नमस्कार 🙏 आमच्या न्यूज मराठी मध्ये आपले सहर्ष स्वागत आहे... येथे तुम्हाला ताज्या घडामोडी व बातम्या मिळतील... बातम्या व जाहिरातींसाठी संपर्क - संतोष कांबळे +91 9881907894 करा. आमचे YouTube चॅनेल, Facebook, Telegram ला सबस्क्राईब/ लाईक करा. , आक्षेपार्ह पोस्ट मुळे कोल्हापुरात तणावपूर्ण स्थिती ; आज कोल्हापूर बंद – प्रज्ञावंत

प्रज्ञावंत

Latest Online Breaking News

आक्षेपार्ह पोस्ट मुळे कोल्हापुरात तणावपूर्ण स्थिती ; आज कोल्हापूर बंद

😊 कृपया ही बातमी शेअर करा😊

कोल्हापूर : कोल्हापूरमध्ये काल एका स्टेटस वरुन वाद निर्माण झाला होता. त्या स्टेटसवरुन काल दगडफेकीचा प्रकार घडला होता. पोलिसांनी कालच जिल्ह्यात जमावबंदी लागू केली होती. त्यानंतर आज कोल्हापूर बंद आणि ठिय्या आंदोलन हिंदुत्ववादी संघटनांकडून आंदोलन करण्यात आलं. हे आंदोलन मागं घेण्याची विनंती पोलिसांनी केली होती. मात्र, आंदोलक ठाम होते त्यानंतर परिस्थिती निंयत्रणात आणण्यासाठी पोलिसांना लाठीमार आणि अश्रूधुराचा वापर करावा लागला. या घटनेनंतर राजकीय नेत्यांनी शांततेचं आवाहन केलं आहे. कोल्हापूरचे आयजी सचिन फुलारी यांनी परिस्थिती नियंत्रणात आणल्याचं सांगितलं. काही जणांना ताब्यात घेतलं आहे. कायद्याप्रमाणे ज्या गोष्टी आहेत त्या कायद्याप्रमाणं होईल. रस्त्यावर कोणी दिसणार नाही याची काळजी घेतली आहे. स्टेटस लावलं त्यांच्यावर कालचं कारवाई झाल्याचं सचिन फुलारी यांनी सांगितलं. पोलीस यंत्रणा आणि राज्य सरकारमधील संवादाची माहिती माध्यमांना देऊ शकत नाही, असंही ते म्हणाले. जमावबंदी लावण्याचा जिल्हाधिकारी आणि पोलीस अधीक्षकांचा निर्णय योग्य असल्याचं ते म्हणाले. कोल्हापूरमधील इंटरनेट बंद करण्यात येणार असल्याची माहिती देखील समोर आली आहे.पोलिसांनी कोल्हापूरमधील परिस्थिती नियंत्रणात आणली आहे. आवश्यक तिथं बळाचा वापर करुन परिस्थिती नियंत्रणात आणली आहे. अफवा रोखण्यासाठी इंटरनेट बंद करण्याबाबत चर्चा सुरु आहे. आवश्यकता असल्यास पोलिसांनी संपर्क साधावा. पाच पेक्षा जास्त लोकं सोबत दिसतील, उपद्रव करतील त्यांना ताब्यात घेण्यात आलं आहे. परिस्थिती नियंत्रणात आणनं हे प्राथमिक काम आहे, असं सचिन फुलारी म्हणाले. नुकसानाची माहिती घेत आहोत, असं त्यांनी सांगितलं.

सगळ्यांनी संयमानं वागावं : राजू शेट्टी
खरंतर कोल्हापूरवर राजर्षी शाहू महाराजांच्या विचारांचा फार मोठा पगडा आहे. फुले शाहू आंबेडकरांच्या विचारावर वाढलेलं कोल्हापूर असताना आज ज्या घटना घडत आहेत त्या दुर्दैवी आहेत, असं राजू शेट्टी म्हणाले. या गोष्टी सगळ्यांना अंतर्मुख करायला लावणाऱ्या आहेत. कुठंतरी १७-१८ वर्षाच्या पोरांनी सोशल मीडियावर काही तरी पोस्ट करायचं त्यानं समाज भडकून जावा, त्यातून दोन समाज एकमेकांच्या समोर उभं राहावं, एवढा खरोखरचं आपल्या विचाराचा पाया कच्चा आहे का काय? असं माझ्या सारख्याला वाटतं, असं राजू शेट्टी म्हणाले. माझ्या सगळ्या तरुण मित्रांना कळकळीची विनंती आहे की आपण कुणाच्या हाताचं बाहुलं नको व्हायला.. आपल्या भावना भडकवणारे, स्वार्थासाठी आपल्याला उचकवणारे जे लोक आहेत त्यांची पोरं सुरक्षित आहेत पण फाशी पडतात ती गरिबांची पोरं.. त्यांच्या मागं कोर्ट कचेऱ्या लागतात, काही वेळा बळी पडतात. दंगली घडवणं सोपं आहे पण दंगली आटोक्यात आणनं अवघड आहे.. दंगली घडवतात त्यांच्या घरातील पोरं कधीच त्याच्यात नसतात. हे लक्षात घेतलं पाहिजे, सगळ्यांनी संयमानं वागावं, एवढंच आवाहन या निमित्तानं करतो, असं राजू शेट्टी म्हणाले. ते एका मराठी वृत्तवाहिनीसोबत बोलत होते.

कायदा हातात घेतल्यास कारवाई
कायदा हातात घेण्याचा प्रयत्न करता कामा नये, कायदा हातात घेतल्यास सरकार कारवाई करेल. कायदा सुव्यवस्था राखण्याची जबाबदारी सरकारची आहे. मी व्यक्तिगत कोल्हापूरमधील अधिकाऱ्यांशी संपर्कात आहे. कुठंही अनुचित प्रकार घडणार नाही याची काळजी घेत आहे. उपमुख्यमंत्री देखील परिस्थितीवर नियंत्रण ठेवून आहेत. कायदा सुव्यवस्था राखण्यासाठी सर्वसामान्य जनतेनं मदत करण्याची गरज आहे, असं एकनाथ शिंदे म्हणाले.

सतेज पाटील काय म्हणाले?
स्टेटस लावला त्याचा निषेध करतो, पोलिसांकडून त्या युवकावर कारवाई करणं आवश्यक होतं. प्रशासनानं दोन्ही समुदायांशी संवाद साधला होता. तरी देखील कोल्हापूर बंदची हाक देण्यात आली. लोकांनी त्याला साथ दिली. परंतु अपेक्षा एवढीच आहे की यातून सर्व सामान्य लोकांचे हाल होऊ नये. पोलीस प्रशासनानं सर्व समाजातील लोकांना एकत्र बोलवायला हवं होतं. राजर्षी शाहू महाराजांच्या भूमीत हे होतंय हे दुर्दैवी आहे. शांततेनं या सगळ्या गोष्टींना सामोरं गेलं पाहिजे, असं सतेज पाटील म्हणाले.

Whatsapp आयकॉन दाबून ही बातमी शेअर करा 

Advertising Space


मुक्त आणि खऱ्या पत्रकारितेसाठी ती कॉर्पोरेट आणि राजकीय नियंत्रणापासून मुक्त असणे आवश्यक आहे. लोक पुढे येऊन सहकार्य करतील तेव्हाच हे शक्य आहे.

आता दान करा